ఆగి ఉన్న లారీని ఢీకొన్న కారు.. మహిళ మృతి

సర్వేపల్లి (ఈటీవీ): జాతీయ రహదారిపై మనుబోలు పోలీస్ స్టేషన్ సమీపంలో గురువారం తెల్లవారుజామున రోడ్డు ప్రమాదం జరిగింది. రహదారి పక్కన ఆగి ఉన్న లారీని వెనుక నుంచి కారు ఢీకొనడంతో ఓ మహిళ అక్కడికక్కడే మృతి చెందగా డ్రైవర్‌ గాయపడ్డారు. ప్రకాశం జిల్లా మండలకేంద్రమైన కందుకూరుకు చెందిన ఆముదాలపల్లి మల్లికార్జునరావు తన అత్త(54)తో కలిసి చెన్నై నుంచి స్వగ్రామానికి తిరిగి వస్తుండగా ఈ ప్రమాదం జరిగింది. మరోవైపు కారు ముందు భాగం పూర్తిగా ధ్వంసమైంది. మనుబోలు ఎస్సై మహమ్మద్ హానీఫ్ కేసు నమోదు చేసి, మృతదేహాన్ని పోస్టుమార్టం నిమిత్తం గూడూరు ప్రభుత్వ ఆసుపత్రికి తరలించారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.