ఆహార తయారీ కేంద్రాల్లో భారీగా ఉల్లంఘనలు.. ‘టీజీ సేఫ్‌’ మెరుపు దాడులు

హైదరాబాద్‌: తెలంగాణలో టీజీ సేఫ్‌ అధికారుల మెరుపు దాడులు నిర్వహించారు. ఉమ్మడి వరంగల్‌, రంగారెడ్డి జిల్లాల్లో 10 ప్రత్యేక బృందాలతో తనిఖీలు చేపట్టారు. 20 ఆహార తయారీ కేంద్రాల్లో భారీగా ఉల్లంఘనలు బయటపడ్డాయి. రూ.5.89 లక్షల విలువైన 5,555 కిలోల ఆహార పదార్థాలను సీజ్‌ చేసిన అధికారులు.. అనుమానాస్పద ఆహార కల్తీపై 21 నమూనాలు సేకరించారు

9 ఆహార తయారీ సంస్థల లైసెన్సులు సస్పెండ్‌ చేశారు. తక్షణమే వ్యాపార కార్యకలాపాలు నిలిపివేయాలని ఆయా యాజమాన్యాలను ఆదేశించారు. మరో 9 సంస్థలకు షోకాజ్‌ నోటీసులు, 2 సంస్థలకు ఇంప్రూవ్‌మెంట్‌ నోటీసులు జారీ చేశారు. ఆహార తయారీ కేంద్రాల్లో తుప్పుపట్టిన యంత్రాలు, గడువు ముగిసిన ఆహార పదార్థాల పాటు వాటిలో బొద్దింకలు, ఈగలు, ఎలుకల వ్యర్థాల ఉన్నట్లు గుర్తించారు.