ఆరుతడి పంటలు వేయాలి

హైదరాబాద్‌, నవంబర్‌ 3 (నమస్తే తెలంగాణ): యాసంగిలో కరువును దృష్టిలో పెట్టుకొని పంటల సాగు చేపట్టాలని వ్యవసాయశాఖ మంత్రి తుమ్మల నాగేశ్వరరావు రైతులకు సూచించారు. ఎక్కువ శాతం ఆరుతడి పంటల సాగు వైపు మళ్లాలని కోరారు. మంగళవారం రైతునేస్తం కార్యక్రమంలో మంత్రి మాట్లాడుతూ.. ఎల్‌ నినో ప్రభావంతో రానున్న యాసంగిలో వర్షపాతం, నీటి లభ్యతలో మార్పులు చోటుచేసుకునే అవకాశం ఉన్నందున రైతులు అప్రమత్తంగా ఉండాలని సూచించారు.

చిరుధాన్యాలు, పశుగ్రాస పంటలకు ప్రాధాన్యం ఇవ్వాలని కోరారు. మురసు తుఫాను ప్రభావం నేపథ్యంలో పంటలకు నష్టం వాటిల్లకుండా పంట కోతలను తాతాలికంగా వాయిదా వేసుకోవాలని, రైతులను అప్రమత్తం చేయాలని అధికారులను ఆదేశించారు.