ఆస్తి కోసం దారుణం.. మహిళ తల, మొండెం వేరుచేసి హత్య!

ఆస్తి వివాదం ఓ మహిళ ప్రాణాలను బలిగొంది. భూమి కోసం భర్త కుటుంబ సభ్యులే దారుణానికి ఒడిగట్టారు. పొలం వద్దకు వెళ్తున్న మహిళను ఇంటికి తీసుకెళ్లి దాడి చేయడంతోపాటు.. తల, మొండెం వేరయ్యే వరకు నరికి చంపారు. మహబూబ్‌నగర్ జిల్లాలోని కోయిలకొండ మండలం చింతల్ తండాలో ఈ దారుణం చోటుచేసుకుంది. ఘటనపై కేసు నమోదు చేసిన పోలీసులు నలుగురు నిందితులను అదుపులోకి తీసుకున్నారు.

కోయిలకొండ మండలం చింతల్ తండాకు చెందిన కాట్రావత్ బలరాంకు.. ఓబ్లాయిపల్లి తండాకు చెందిన కాట్రావత్ సునీతతో పదేళ్ల క్రితం వివాహమైంది. వీరికి రిషిక, శైలజ అనే ఇద్దరు కుమార్తెలు ఉన్నారు. బలరాంకు మతిస్థిమితం సరిగ్గా లేకపోవడంతో దంపతుల మధ్య పలుమార్లు గొడవలు జరిగినట్లు సమాచారం.