ACP Manasvi Vashistha: ఎవ‌రీ మ‌న‌స్వి వ‌శిష్ట‌.. ఢిల్లీ ఏసీపీని ఎందుకు బ‌దిలీ చేశారు?

న్యూఢిల్లీ: ఢిల్లీ పోలీసు శాఖ‌లోని ఏసీపీ మ‌న‌స్వీ వశిష్ట‌(ACP Manasvi Vashistha)ను విధుల నుంచి స‌స్పెండ్ చేశారు. ఆయ‌న బ‌దిలీని వ్య‌తిరేకిస్తూ కొంద‌రు పోలీసులు సిబ్బంది సోమ‌వారం ఆందోళ‌న వ్య‌క్తం చేసిన ఘ‌ట‌న నేప‌థ్యంలో ఈ చ‌ర్య‌లు తీసుకున్నారు. అయితే షాదారా పోలీసు స్టేష‌న్‌లో లాయ‌ర్ల‌ను ఇద్ద‌రు ఆఫీస‌ర్లు బెదిరించిన‌ట్లు ఆరోప‌ణ‌లు ఉన్నాయి. ఆ కేసులో ఏసీపీ మ‌న‌స్వీ వ‌శిష్ట‌ను బ‌దిలీ చేసిన‌ట్లు తెలిసింది. సోమ‌వారం పోలీసు ప్ర‌ధాన‌కార్యాల‌యం ముందు జ‌రిగిన నిర‌స‌న ప్ర‌ద‌ర్శ‌లో వ‌శిష్ట పాల్గొన్నారు. ట్రాన్స్‌ఫ‌ర్ ఆర్డ‌ర్‌ను వెన‌క్కి తీసుకోవాల‌ని ఆయ‌న డిమాండ్ చేశారు. పోలీసు ప్ర‌ధాన కార్యాయంలో ఆందోళ‌న…

బ‌దిలీకి ముందు ఏసీపీ వ‌శిష్ట‌.. షాదారా స‌బ్‌డివిజ‌న్‌లోని గాంధీన‌గ‌ర్ లో స‌బ్ డివిజిన‌ల్ పోలీసు ఆఫీస‌ర్‌గా విధులు నిర్వ‌ర్తించారు. అక్టోబ‌ర్ 28వ తేదీన స్పెష‌ల్ పోలీసు యూనిట్ ఫ‌ర్ వుమెన్ అండ్ చిల్ట్ర‌న్ శాఖ‌కు ఆయ‌న్ను బ‌దిలీ చేశారు. షాదారా పోలీసు స్టేష‌న్‌లో ఎస్‌హెచ్‌వోగా చేస్తున్న ఇన్‌స్పెక్ట‌ర్ అరుణ్ కుమార్‌ను కూడా ఢిల్లీ పోలీసు శాఖ‌కు చెందిన సెక్యూర్టీ బ్రాంచ్‌కు బ‌దిలీ చేశారు. ఢిల్లీ పోలీసు అధికారులు, బార్ కౌన్సిల్ ఆఫ్ ఇండియా, జిల్లా కోర్టు బార్ సంఘాల ఆఫీస్ బేర‌ర్ల ప్ర‌తినిధుల‌తో జ‌రిగిన మీటింగ్ త‌ర్వాత ఇద్ద‌రు ఆఫీస‌ర్ల‌ను బ‌దిలీ చేశారు.