అగ్నిప్రమాదం.. పెంకుటిల్లు దగ్ధం

తొగుట: సిద్దిపేట జిల్లా తొగుట మండలం తుక్కాపూర్‌లో ప్రమాదవశాత్తు ఇల్లు దగ్ధమైంది. చిక్కుడు నర్సింలుకు చెందిన పెంకుటింట్లో ఒక్కసారిగా మంటలు చెలరేగాయి. సమాచారం అందుకున్న సిద్దిపేట అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తీసుకొచ్చారు. అగ్నిమాపక సిబ్బంది చేరుకునేలోపే ఇల్లు పూర్తిగా కాలిపోయింది. పక్కనున్న మరో ఇంటికి కూడా మంటలు వ్యాపించాయి. ఘటనాస్థలాన్ని తొగుట తహసీల్దార్‌ సమీర్‌ అహ్మద్‌ ఖాన్‌, ఆర్‌ఐ రాజేందర్‌ రెడ్డి, రెవెన్యూ సిబ్బంది పరిశీలించారు. అగ్నిప్రమాదానికి గల కారణాలు, ఆస్తి నష్టం వివరాలు తెలియాల్సి ఉంది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.