అమలాపురంలో చీకట్లోనే పోలింగ్‌ కేంద్రాలు

విద్యుత్తు వెలుగులు లేని అమలాపురంలోని కొంకాపల్లి నెహ్రూ మున్సిపల్‌ పాఠశాల పోలింగ్‌ కేంద్రం

ఈనాడు, అమలాపురం: కోనసీమను అర్నబ్‌ తుపాను ప్రభావం ఇంకా వీడలేదు. పురపాలక ఎన్నికల వేళ జిల్లా కేంద్రం అమలాపురంలోని పోలింగ్‌ కేంద్రాలకు శనివారం రాత్రి వరకు విద్యుత్తు సరఫరా లేకపోవడంతో సిబ్బంది ఇబ్బందులు పడ్డారు. ఈ పట్టణంలో మొత్తం 71 పోలింగ్‌ కేంద్రాలుండగా.. రాత్రి 9 గంటల వరకు సుమారు 40 చోట్ల విద్యుత్తు లేదు. అనంతరం మెజారిటీ కేంద్రాలకు వచ్చినా సాంకేతిక కారణాలతో తరచూ అంతరాయాలు ఏర్పడ్డాయి. కొన్ని చోట్ల విద్యుత్తు, తాగునీరు, కాలకృత్యాలు తీర్చుకునేందుకు సైతం నీరు అందుబాటులో లేదని కొందరు పోలింగ్‌ సిబ్బంది వాపోయారు. కొంకాపల్లిలో 12 మంది ఉంటే కేవలం ఒక డబ్బా నీళ్లే ఇవ్వడంతో బయట కొనుక్కున్నారు.…