అమ్మవారి ఆశీస్సులతోనే ప్రాణనష్టం సంభవించలేదు: చెన్నబసప్ప

బెంగళూరు క్రీడలు: చాముండేశ్వరి అమ్మవారి ఆశీస్సులతోనే శివమొగ్గ జంబూ సవారీలో ఎలాంటి ప్రాణనష్టం సంభవించలేదని స్థానిక ఎమ్మెల్యే చెన్నబసప్ప పేర్కొన్నారు. వెండి అంబారీని మోసుకెళ్తున్న సోమణ్ణ అనే ఏనుగు నిన్న ఒక్కసారిగా ఆందోళనకు గురై బెదిరిపోయి పరుగులు పెట్టిన విషయం తెలిసిందే. ఈ ఘటనతో ఆందోళనకు గురైన స్థానికులు ప్రాణాలు రక్షించుకోవడానికి తలోదిక్కుకు పారిపోయారు. ఈ ఘటనపై చెన్నబసప్ప గురువారం మీడియాతో మాట్లాడారు. ఏనుగు పరుగులు పెట్టిన సమయంలో అంబారి కింద పడటంతో చాముండేశ్వరి అమ్మవారి విగ్రహం స్వల్పం దెబ్బతిన్నట్లు తెలిపారు. ఏనుగులు బెదిరిపోవడంపై అవి ఎప్పుడు ఎలా ప్రవర్తిస్తాయో చెప్పలేమని అన్నారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.