అంతా ట్రంప్‌ స్వయంకృతమే

చేసుకున్నవారికి చేసుకున్నంత అని ఊరికే అనరు. ఆ సంగతిని మర్చిపోయి- నేనే పోటీచేస్తున్నాను అనుకుని ఓటు వేయండి అంటూ అమెరికా మధ్యంతర ఎన్నికల ప్రచారంలో పదేపదే పిలుపిచ్చిన అధ్యక్షుడు డొనాల్డ్‌ ట్రంప్‌ చివరికి తీవ్రస్థాయిలో తలబొప్పి కట్టించుకున్నారు. దశాబ్దాలుగా రిపబ్లికన్‌ పార్టీకి కంచుకోటలుగా ఉన్న కాన్సస్, టెక్సాస్‌ వంటి చోట్ల కూడా ఈసారి డెమోక్రాట్లు గెలిచారంటే- దానికి ట్రంప్‌ స్వయంకృతాపరాధాలే ప్రధాన కారణాలయ్యాయి. అగ్రరాజ్యాధిపతికి తగని నడవడికతో ఏకపక్షంగా, అసంబద్ధంగా వ్యవహరిస్తున్న ఆయన- తమ బతుకులను కష్టాల పాల్జేస్తున్నారంటూ స్థానిక ప్రజానీకంలో ఆగ్రహావేశాలు వ్యక్తమవుతున్నాయి. అవే ఓట్లుగా…

అమెరికా మధ్యంతర ఎన్నికల్లో అధ్యక్షుడి పార్టీకి ప్రతిసారీ ప్రతికూల ఫలితాలు రావడం సాధారణమే. కానీ, కాంగ్రెస్‌లోని రెండు సభల్లోనూ ఒకేసారి ఒకే పార్టీ విజయ దుందుభి మోగించడం మాత్రం అరుదే. రెండో ప్రపంచ యుద్ధకాలం నుంచి చూస్తే మూడుసార్లే- 1946, 1994, 2006లలో ఇటువంటి ప్రజాతీర్పులు వెలువడ్డాయి. ట్రంప్‌ వివాదాస్పద విధానాల మూలంగా నేడు చారిత్రక పరాజయాన్ని చవిచూడాల్సి రావడంతో గ్రాండ్‌ ఓల్డ్‌ పార్టీగా పేరుమోసిన రిపబ్లికన్‌ పక్షం పునాదులే కదిలిపోతున్నాయి. ధరాఘాతాలను తగ్గించి రోజువారీ జీవన వ్యయాలను అదుపులోకి తెస్తానంటూ రెండేళ్ల క్రితం ట్రంప్‌ చేసిన వాగ్దానం నీటిమూట అయ్యింది. 2024 డిసెంబర్‌లో 2.9శాతంగా ఉన్న…