AP News | ఉప్పాడ చేప‌ల మార్కెట్‌లో విల‌సల సంద‌డి.. ఒక్కో చేప ధ‌ర ఎంతంటే..!

AP News : ఆంధ్ర‌ప్ర‌దేశ్ రాష్ట్రం కాకినాడ జిల్లా కేంద్రానికి స‌మీపంలోగ‌ల ఉప్పాడ చేప‌ల మార్కెట్‌లో సోమ‌వారం విల‌స చేప‌లు సంద‌డి చేశాయి. అత్యంత అరుదుగా ల‌భించే ఈ చేప‌లను కొనుగోలు చేసేందుకు క‌స్ట‌మ‌ర్‌లు పోటీప‌డ్డారు. దాంతో కిలో, కిలోన్న‌ర బ‌రువున్న ఒక్కోచేప రూ.1000 నుంచి రూ.1500 వ‌ర‌కు ధ‌ర ప‌లికింది. మాకు ప‌ల‌స గురించి తెలుసుగానీ ఈ విల‌స ఏంది అనుకుంటున్నారా..? స‌ముద్రంలో ఉన్న‌ప్పుడు విల‌స‌గా పిలువ‌బ‌డే ఈ చేప‌లే.. సంతానోత్ప‌త్తి కోసం గోదావ‌రి న‌దిలో ఎదురీదుతూ పైకి వ‌చ్చిన‌ప్పుడు పుల‌స‌లుగా మారుతాయి.

విల‌స‌గా ఉన్న‌ప్పుడు కిలో రూ.1000 ప‌లికే ఈ చేప ధ‌ర పుల‌స‌గా మారిన త‌ర్వాత రూ.20 వేల వ‌ర‌కు ప‌లుకుతుంది. ఎందుకంటే విల‌స‌లే ఎంతో రుచిగా ఉంటాయంటే.. పుల‌స చేపల‌ రుచి అంత‌కంటే ఎన్నో రెట్లు రుచిక‌రంగా ఉంటుంది. పుల‌స రుచి గురించి తెలిసిన వాళ్లు అత్యంత అరుదుగా ల‌భించే ఈ చేప‌ను కొనుగోలు చేయ‌డం కోసం డ‌బ్బు గురించి ఎక్కువ‌గా ఆలోచించ‌రు. అయితే కొంత‌మంది విల‌స అన్నా, పుల‌స అన్నా ఒక‌టే అని పొర‌పాటు పడుతుంటారు. కానీ విల‌స వేరు, పుల‌స వేరు అని మ‌త్స్య‌కారులు చెబుతున్నారు.