అర్నబ్‌ ఎఫెక్ట్‌: అనంతగిరిలో కొట్టుకుపోయిన వంతెనలు

అనంతగరి : అల్లూరి సీతారామరాజు జిల్లాలో అర్నబ్‌ తుపాను అలజడి సృష్టిస్తోంది. అనంతగిరి మండలం అనంతగిరి పంచాయతీ పరిధిలోని తాడిగూడ గ్రామంలో అర్నబ్(Cyclone Arnab) తుపాను కారణంగా తీవ్ర గాలులతో కూడిన వర్షం కురవడంతో వంతెన కొట్టుకుపోయింది. దీంతో రాకపోకలకు అంతరాయం ఏర్పడింది. ప్రభుత్వం స్పందించి వంతెనను నిర్మించాలని తాడిగూడ గ్రామస్థులు కోరుతున్నారు. అలాగే అనంతగిరి మండలంలోని కొత్తూరు పంచాయతీ శివలింగపురం- కృష్ణాపురం మధ్యనున్న వంతెనపై నుంచి గెడ్డ పొంగిపొర్లడంతో మరో వంతెన కొట్టుకుపోయింది. మండలంలోని కాశీపట్నం వద్ద తుపాను తీవ్రతకు గోస్తని నది ప్రమాదకరంగా ప్రవహిస్తోంది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.