అర్నబ్ తుఫాను విధ్వంసం.. ఏపీకి తెలంగాణ విద్యుత్ సహాయక బృందాలు...

అర్నబ్ తుఫాను ఏపీలో విధ్వంసం సృష్టించింది. చాలా చోట్ల చెట్లు విరిగిపడటం, రహదారులు దెబ్బతినడంతో రాకపోకలు స్తంభించాయి. చాలా చోట్ల విద్యుత్ స్తంభాలు ధ్వంసమవ్వడంతో ఊళ్లకు ఊళ్ళు అంధకారంలో ఉన్నాయి. ఈ క్రమంలో రంగంలోకి విద్యుత్ శాఖ సిబ్బంది ఆగమేఘాల పునరుద్ధరణ చర్యలు చేపట్టారు. దెబ్బతిన్న విద్యుత్ వ్యవస్థను యుద్ధప్రాతిపదికన పునరుద్ధరించి 24 గంటల్లో సరఫరాను సాధారణ స్థితికి తేవడమే లక్ష్యంగా పని చేస్తున్నారు.

ఈ క్రమంలో తెలంగాణ విద్యుత్ సహాయక బృందాలను ఏపీకి పంపాలని తెలంగాణ డిప్యూటీ సీఎం భట్టి విక్రమార్కకు విజ్ఞప్తి చేశారు సీఎం చంద్రబాబు. సీఎం రేవంత్ రెడ్డితో చర్చించి సహాయక బృందాలను ఏపీకి పంపించేందుకు అధికారులకు ఆదేశాలు జారీ చేశారు.