అర్నబ్‌ విలయం.. తూర్పు అతలాకుతలం

తాళ్లపూడి: ప్రధాన రహదారిలో నిలిచిన వర్షపు నీరు

అర్నబ్‌ తుపాను తూర్పు గోదావరి జిల్లాపైౖ పగబట్టినట్లు విరుచుకుపడింది. పంటలు, రోడ్లు, ప్రభుత్వ కార్యాలయాలు, పాఠశాలలు, సామాజిక భవనాలు, ఇళ్లు, కాలనీలపై తీవ్ర ప్రభావం చూపింది. భారీ వృక్షాలు, విద్యుత్తు స్తంభాలు నేలకూలాయి. పచ్చని పొలాలు నేలవాలాయి. చేతికి అందొచ్చే స్థితిలో ఉన్న వరి ఒరిగిపోయి నీట మునిగింది. చెట్లు, స్తంభాలు విరిగిపడి రోడ్లు, భవనాలు ధ్వంసమయ్యాయి. విద్యుత్తు సరఫరా నిలిచిపోయింది. తాగునీటికి ఎద్దడి నెలకొంది. సిగ్నళ్లు లేక సెల్‌ఫోన్లు మూగబోయాయి. పౌర జీవనం స్తంభించింది. పరిస్థితిని చక్కదిద్దడానికి యంత్రాంగం రంగంలోకి దిగింది. కూలిన చెట్లను, స్తంభాలను యుద్ధప్రాతిపదికన తొలగించి వాహనాల…