Atchannaidu: పంట నష్టం అంచనాలో నిర్లక్ష్యం వద్దు: మంత్రి అచ్చెన్నాయుడు

అమరావతి: అర్నబ్‌ తుపాను కారణంగా నష్టపోయిన ప్రతి రైతునూ గుర్తించి పంట నష్టంపై అంచనా వేయాలని అధికారులను రాష్ట్ర వ్యవసాయ శాఖ మంత్రి అచ్చెన్నాయుడు ఆదేశించారు. తుపాను వల్ల రాష్ట్రంలోని 16 జిల్లాల్లో 5.42 లక్షల మంది రైతులకు చెందిన 3.51 లక్షల హెక్టార్లలో పంటలు నీటమునిగాయని తెలిపారు. ఇందులో 3.45 లక్షల హెక్టార్లకుపైగా వరి పంట ప్రభావితమైందని, 15 జిల్లాల్లో 22 వేల హెక్టార్లకుపైగా ఉద్యాన పంటలకు నష్టం వాటిల్లిందని వెల్లడించారు. పంట నష్టంపై వ్యవసాయ, ఉద్యానవన, పశుసంవర్థక, మత్స్య శాఖల అధికారులతో మంత్రి సమీక్షించారు. ఈ నెల 30 నుంచి క్షేత్రస్థాయిలో నష్టాల నమోదును వేగవంతం చేయాలని ఆదేశించారు.

‘‘ప్రతి పొలాన్ని పరిశీలించి, రైతుల వివరాలు పక్కాగా నమోదు చేయడంతో పాటు సెల్ఫ్ ఎన్యూమరేషన్ యాప్‌లో నమోదైన వివరాలను క్షేత్రస్థాయిలో సరిచూడాలి. మరోవైపు, పొలాల్లో నిలిచిన నీటిని తొలగించడం, అవసరమైన మందులు, పోషకాలు అందించడం ద్వారా పంట నష్టాన్ని తగ్గించేందుకు తక్షణ చర్యలు చేపట్టాలి. నాలుగు వ్యవసాయ, అనుబంధ విశ్వవిద్యాలయాల శాస్త్రవేత్తలు ప్రభావిత ప్రాంతాల్లో పర్యటించి రైతులకు శాస్త్రీయ సూచనలు అందించేలా చర్యలు తీసుకోవాలి. పశుసంవర్థక, మత్స్య శాఖల పరిధిలోనూ నష్టాలను నమోదు చేయాలి. సిబ్బంది కొరత ఉన్న చోట అదనపు సిబ్బందిని నియమించాలి. నష్టాల అంచనాలో లోపాలు, జాప్యానికి తావులేకుండా అధికారులు సమన్వయంతో…