భార్యతో సహా.. అత్త, బామ్మర్దులు, వాళ్ల భార్యలు.. ఇలా ఏడుగురిని చంపేసిన భర్త !

బెంగళూరు: భార్యాభర్త మధ్య గొడవలు ఏడుగురి ప్రాణాలను బలి తీసుకున్నాయి. భార్యతో ఉన్న విభేదాల కారణంగా ఆమెతో పాటు ఆమె కుటుంబానికి చెందిన మరో ఆరుగురిని భర్త హత్య చేసిన షాకింగ్ ఘటన కర్నాటకలో వెలుగుచూసింది. ఈ హత్యలకు పాల్పడిన క్యాబ్ డ్రైవర్‌ను బెంగళూరు పోలీసులు అరెస్ట్ చేశారు. హత్యల చేశాక ఏడు మృతదేహాలను కారులో తరలించి వేర్వేరు ప్రాంతాల్లో పడేసినట్లు పోలీసుల ప్రాథమిక విచారణలో వెల్లడైంది.

ఈ ఘటన కర్నాటకలో హాట్ టాపిక్గా మారింది. నిందితుడిని ఇందుశేఖర్ అలియాస్ శేఖర్‌గా గుర్తించారు. శేఖర్ భార్య సునీత, అత్త రూపావతి, బావమరుదులు శివకుమార్, శంకర్, వారి భార్యలు దివ్య, నళిని, ఏడేళ్ల బాలుడు పునీత్ ఈ ఘటనలో ప్రాణాలు కోల్పోయినట్లు పోలీసులు తెలిపారు.