భవిత కేంద్రాల పిల్లలకు క్రీడల్లోనూ సమాన అవకాశాలు

భువనగిరి: ప్రత్యేక అవసరాలు కలిగిన పిల్లలకు విద్యతో పాటు క్రీడల్లోనూ సమాన అవకాశాలు కల్పించాలని జిల్లా కలెక్టర్ అనురాగ్ జయంతి అన్నారు. క్రీడల్లో గెలుపోటముల కంటే పాల్గొనడం, ప్రతిభను ప్రదర్శించడం, ఆత్మవిశ్వాసంతో ముందుకు సాగడం ముఖ్యమని పేర్కొన్నారు. శుక్రవారం రాయగిరి జిల్లా పరిషత్ ఉన్నత పాఠశాలలో భవిత కేంద్రాల ఆధ్వర్యంలో నిర్వహించిన జిల్లా స్థాయి క్రీడల్లో కలెక్టర్ పాల్గొని మాట్లాడారు. ప్రత్యేక అవసరాలు కలిగిన పిల్లల్లో దాగి ఉన్న ప్రతిభను గుర్తించి, తగిన శిక్షణ, ప్రోత్సాహం, మౌలిక సదుపాయాలు కల్పించాల్సిన బాధ్యత అందరిపై ఉందన్నారు. పారా క్రీడల్లో భారత క్రీడాకారులు సాధిస్తున్న విజయాలను పిల్లలకు వీడియోల…

జిల్లాలోని అన్ని భవిత కేంద్రాలను బలోపేతం చేసి పిల్లలకు నాణ్యమైన విద్యతో పాటు క్రీడలు, ఇతర రంగాల్లోనూ సమగ్ర అభివృద్ధికి చర్యలు తీసుకుంటున్నట్లు తెలిపారు. పిల్లలను క్రీడల్లో పాల్గొనేలా ప్రోత్సహిస్తున్న తల్లిదండ్రులను అభినందించారు. ఈ కార్యక్రమంలో డీఈవో బొల్లారం బిక్షపతి, సమ్మిళిత విద్య సమన్వయకర్త పెసరు లింగారెడ్డి, భువనగిరి ఎంఈవో సీహెచ్. రంగరాజన్, ప్రధానోపాధ్యాయురాలు ఎన్. అండాలు, భవిత కేంద్రాల ఇన్‌ఛార్జీలు, ప్రత్యేక విద్య, క్రీడా ఉపాధ్యాయులు, విద్యార్థులు, తల్లిదండ్రులు పాల్గొన్నారు.