బోనాలతో ఎన్‌హెచ్‌ఎం ఉద్యోగుల ర్యాలీ

తెలంగాణచౌక్: జాతీయ ఆరోగ్య మిషన్ పరిధిలో పనిచేస్తున్న ఎన్‌హెచ్ఎం ఉద్యోగుల నిరవధిక సమ్మె 18వ రోజుకు చేరుకుంది. ఇందులో భాగంగా శుక్రవారం కరీంనగర్‌లో ఎన్‌హెచ్ఎం ఐకాసా ఆధ్వర్యంలో ఉద్యోగులు జిల్లా కలెక్టరేట్ నుంచి గోదాం గడ్డలోని పోచమ్మ తల్లి ఆలయం వరకు బోనాలతో ర్యాలీ నిర్వహించారు. అమ్మవారికి బోనాలు సమర్పించి మొక్కలు చెల్లించుకున్నారు. తమ సమస్యలు త్వరగా పరిష్కారం కావాలని అమ్మవారిని వేడుకున్నారు. అనంతరం అక్కడి నుంచి తిరిగి జిల్లా సచివాలయం వద్ద ఏర్పాటు చేసిన సమ్మె శిబిరానికి చేరుకున్నారు. తమ న్యాయమైన డిమాండ్లు పరిష్కరించే వరకు నిరవధిక సమ్మెను కొనసాగిస్తామని ఉద్యోగులు స్పష్టం చేశారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.