బ్రెజిల్‌ ప్రజాతీర్పు ప్రభావమెంతో

కొన్ని దేశాల ఎన్నికల ఫలితాలు జాతీయ సరిహద్దులను దాటి ప్రభావం చూపిస్తాయి. ప్రాంతీయ శక్తి సమీకరణాలను అవి పునర్‌ నిర్వచించడమే కాదు; అంతర్జాతీయ కూటములు, ఆర్థిక-పర్యావరణ వ్యవస్థల భవితనూ నిర్దేశిస్తాయి. జనాభా, జీడీపీల పరంగా పది అతిపెద్ద దేశాల్లో ఒకటైన బ్రెజిల్‌లో మొన్న వెలువడిన ప్రజాతీర్పు సైతం ఇంతటి విశేషమైనదే. వసుధకు ఊపిరితిత్తులుగా వాసికెక్కిన అమెజాన్‌ వర్షారణ్యాల్లో అత్యధిక భాగానికి నెలవైన బ్రెజిల్‌కు ఎవరు నాయకత్వం వహిస్తారన్నది వాతావరణ మార్పులపై ప్రపంచ పోరాటాన్ని ప్రభావితం చేస్తుంది. ‘బ్రిక్స్‌’లో క్రియాశీలక భాగస్వామి అయిన బ్రెజిల్‌లో అధికారం అగ్రరాజ్య సన్నిహితుల చేతుల్లోకి వెళ్తే- అంతర్జాతీయ…

బ్రెజిల్‌లో ప్రజాస్వామ్య పునరుద్ధరణ జరిగాక గడచిన నాలుగు దశాబ్దాల్లో అధ్యక్ష ఎన్నికల తొలిరౌండ్‌లో వెనకబడినప్పటికీ చివరికి గెలుపు జెండా ఎగరేసిన మొదటి వ్యక్తిగా లులా కొత్త చరిత్ర సృష్టించారు. అక్టోబరు నాలుగున జరిగిన ఎలక్షన్లలో అధికార పీఠాన్ని అధిష్ఠించడానికి అవసరమైన యాభైశాతం ఓట్లను చేజిక్కించుకోలేకపోయిన ఆయన- ప్రత్యర్థి ఫ్లేవియో బొల్సనారో కంటే కాస్త తక్కువగానే ఓటర్ల మద్దతు పొందగలిగారు. అభ్యర్థులు ఇద్దరికీ విజయానికి కావాల్సినన్ని ఓట్లు రాకపోవడంతో రెండోరౌండ్‌ ఎన్నికలు అనివార్యమయ్యాయి. ఆ క్రమంలోనే మునుపెన్నడూ చూడని దృశ్యాలు బ్రెజిల్‌ ప్రజాస్వామ్య తెరపై ఆవిష్కృతమయ్యాయి. ఫ్లేవియో తండ్రి, పూర్వ…