Chandrababu: పంటల బీమా పరిహారం త్వరగా అందించాలి.. కేంద్ర బృందాన్ని కోరిన చంద్రబాబు

అమరావతి: ప్రకృతి వైపరీత్యాలతో తీవ్ర కష్టాల్లో ఉన్న రైతులను ఆదుకునేందుకు కేంద్రం ఉదారంగా సాయం అందించాలని ముఖ్యమంత్రి చంద్రబాబు (Chandrababu) విజ్ఞప్తి చేశారు. వ్యవసాయ రంగానికి అండగా నిలిచేలా వీబీజీ రామ్‌జీ పథకం పనిదినాలను 200కు పెంచాలని కోరారు. అర్హులైన కరవు బాధితులకు డ్రాట్ కార్డులు జారీ చేయడంతో పాటు పంటల బీమా పరిహారాన్ని త్వరగా అందించాలన్నారు. కరవు, తుపాను నష్టాలతో సతమతమవుతున్న రాష్ట్రానికి ప్రత్యేక సాయం మంజూరు చేయాలని కేంద్ర బృందాన్ని కోరారు.

కరవు పరిస్థితుల అంచనా కోసం రాష్ట్రంలో పర్యటించిన ఇంటర్ మినిస్టీరియల్ సెంట్రల్ టీమ్ బుధవారం సీఎం చంద్రబాబును కలిసింది. ఈ బృందం ఈనెల 2, 3వ తేదీల్లో రెండు బృందాలుగా కర్నూలు, నంద్యాల, అనంతపురం, శ్రీసత్యసాయి జిల్లాల్లో పర్యటించి క్షేత్రస్థాయి పరిస్థితులను పరిశీలించింది. రాష్ట్రంలో సాధారణం కంటే చాలా తక్కువ వర్షపాతం నమోదైందని, రాయలసీమలో సాగు, తాగునీరు, పశుగ్రాసం సమస్యలు తీవ్రంగా ఉన్నాయని సీఎం వివరించారు. 21 జిల్లాల్లో 388 మండలాలను కరవు ప్రభావిత ప్రాంతాలుగా ప్రకటించినట్లు తెలిపారు. ప్రకృతి వ్యవసాయాన్ని ప్రోత్సహించేందుకు వీబీజీ రామ్‌జీ పథకం కింద పనిదినాలను 200కు పెంచాలని కోరారు. వ్యవసాయ పనులకు ఈ…