Chandrababu: పరిహారం పంపిణీని వేగవంతం చేయండి: సీఎం చంద్రబాబు

అమరావతి: ఏపీలో బీభత్సం సృష్టించిన అర్నబ్‌ తుపాను (Cyclone Arnab) అనంతర పరిస్థితులపై జిల్లా కలెక్టర్లు, అధికారులతో సీఎం చంద్రబాబు (Chandrababu) టెలికాన్ఫరెన్స్‌ నిర్వహించారు. క్షేత్రస్థాయిలో సాధారణ పరిస్థితి నెలకొనేవరకు అధికారులెవరూ విశ్రమించొద్దని స్పష్టం చేశారు. కొన్ని ప్రాంతాలు మినహా తుపాను ప్రభావిత ప్రాంతాల్లో సాధారణ స్థితి నెలకొందని అధికారులు సీఎంకు వివరించారు. పునరుద్ధరణ పనులపై అధికారులు, జిల్లా కలెక్టర్లతో సీఎం సమీక్షించి తుపాను నష్టంపై ఇవాళ ప్రాథమిక నివేదిక పంపాలన్నారు. బాధితులకు పరిహారం అందించే పనిని మరింత వేగవంతం చేయాలని అధికారులను సీఎం ఆదేశించారు. ఇలాంటి ప్రకృతి విపత్తుల సమయంలో…

రహదారులపై పడిపోయిన చెట్లను వెంటనే తొలగించడంతోపాటు తుపాను కారణంగా పేరుకుపోయిన చెత్తను ఎప్పటికప్పుడు తొలగించాలని సీఎం ఆదేశించారు. నష్టపరిహారానికి సంబంధించి ప్రభుత్వం జీవో జారీ చేసిందని, పంట నష్టం మినహా మిగిలిన బాధితులకు పరిహారం అందించే ప్రక్రియను వేగవంతం చేయాలన్నారు. పంట నష్టాన్ని త్వరితగతిన అంచనా వేసేందుకు సాంకేతికతను వినియోగించాలని, రైతుల వారీగా వివరాలు సిద్ధం చేయాలని దిశానిర్దేశం చేశారు. పంటలు దెబ్బతినకుండా తీసుకోవాల్సిన చర్యలతోపాటు.. కొబ్బరి సహా ఉద్యాన పంటల చెట్లు, మొక్కలను తిరిగి నాటే అవకాశాలను పరిశీలించాలని ఆదేశించారు. వ్యవసాయ, ఉద్యాన రైతుల నష్టాన్ని భర్తీ చేసేందుకు అందుబాటులో ఉన్న వివిధ…