చెడుపై మంచి సాధించిన విజయానికి ప్రతీక విజయదశమి: మంత్రి వివేక్ వెంకటస్వామి

మంచిర్యాల: బెల్లంపల్లిలో జరిగిన దసరా వేడుకల్లో మంత్రి వివేక్ వెంకటస్వామి పాల్గొన్నారు. ఈ సందర్భంగా ఆయన మాట్లాడుతూ.. తెలంగాణలో దసరా అతిపెద్ద పండుగ అని.. చెడుపై మంచి సాధించిన విజయానికి ప్రతీక విజయదశమి అని చెప్పారు. ప్రజా పాలన ప్రభుత్వం ద్వారా మన ఎమ్మెల్యే గడ్డం వినోద్ ఆధ్వర్యంలో అనేక సంక్షేమ పథకాలు తీసుకొస్తున్నామని తెలిపారు.

దేశంలోనే తెలంగాణలో రైతులకు 23 వేల కోట్ల రుణమాఫీ చేశామని, సన్న బియ్యంతో పాటు అనేక సంక్షేమ పథకాలు ప్రవేశపెట్టామని తెలిపారు. ప్రభుత్వ పాఠశాలలో విద్యార్థులకు బ్రేక్ ఫాస్ట్ లాంటి పథకాలను ప్రవేశపెట్టామని, ప్రభుత్వం విద్య వైద్యానికి మొదటి ప్రాధాన్యత ఇస్తుందని స్పష్టం చేశారు.