చెన్నూరులో మంత్రి వివేక్ విస్తృత పర్యటన.. పలు అభివృద్ధి పనులకు శంకుస్థాపన

మంచిర్యాల జిల్లా చెన్నూరు నియోజకవర్గంలో మంత్రి గడ్డం వివేక్ వెంకటస్వామి విస్తృతంగా పర్యటించి పలు అభివృద్ధి పనులకు శంకుస్థాపన చేశారు. చెన్నూరు పట్టణంలో రహదారుల విస్తరణ, సెంట్రల్ లైటింగ్, పట్టణ సుందరీకరణతో పాటు రాబోయే గోదావరి పుష్కరాలను దృష్టిలో ఉంచుకుని చేపట్టనున్న రోడ్డు పనులకు భూమిపూజ నిర్వహించారు.

చెన్నూరు పట్టణంలో రూ.5.50 కోట్ల నిధులతో చేపట్టనున్న రోడ్డు విస్తరణ, సెంట్రల్ లైటింగ్, సుందరీకరణ పనులకు మంత్రి వివేక్ వెంకటస్వామి శంకుస్థాపన చేశారు. పట్టణంలో మౌలిక వసతులను మెరుగుపరచడంతో పాటు ప్రజలకు మెరుగైన రవాణా సౌకర్యాలు కల్పించే లక్ష్యంతో ఈ పనులు చేపడుతున్నట్లు పేర్కొన్నారు. రాబోయే గోదావరి పుష్కరాలకు వచ్చే భక్తులకు ఎలాంటి ఇబ్బందులు కలగకుండా ప్రత్యేక చర్యల్లో భాగంగా మహంకాళి వాడ నుంచి నేషనల్ హైవే వరకు రూ.3.50 కోట్ల వ్యయంతో చేపట్టనున్న రోడ్డు పనులను మంత్రి ప్రారంభించారు. పుష్కర ఘాట్లకు వెళ్లే భక్తులకు సౌకర్యవంతమైన రాకపోకలు కల్పించేందుకు ఈ రహదారి అభివృద్ధి పనులు చేపడుతున్నట్లు తెలిపారు.