Conductor Pravalika | బస్సులో ‘చిల్లర’ వివాదం.. ప్రయాణికురాలు నెట్టేయడంతో గాయపడ్డ కండక్టర్ ప్రవళిక మృతి

Conductor Pravalika | హైదరాబాద్‌, నవంబర్‌ 3 (నమస్తే తెలంగాణ)/అశ్వాపురం : బస్సు టైర్ల కింద పడి తీవ్రంగా గాయపడి హైదరాబాద్‌లో చికిత్స పొందుతున్న మణుగూరు ఆర్టీసీ కండక్టర్‌ గుండ్ల ప్రవళిక (24) మంగళవారం రాత్రి మృతిచెందారు. గత నెల 25న మణుగూరు నుంచి భద్రాచలం వెళ్తున్న ఆర్టీసీ పల్లె వెలుగు బస్సులో మౌనిక అనే ప్రయాణికురాలు తన కుమారుడితో కలిసి ఎక్కింది. భద్రాద్రి జిల్లా అశ్వాపురం మండలం మిట్టగూడెంలో దిగేందుకు తన కుమారుడికి హాఫ్‌ టికెట్‌ ఇవ్వాలని ఆమె కండక్టర్‌కు రూ.100 నోటు ఇచ్చింది. చిల్లర విషయంలో ఇద్దరి మధ్య మాటామాటా పెరిగి వాగ్వాదానికి దారితీసింది. మిట్టగూడెం స్టాప్‌లో ప్రయాణికురాలు దిగకుండా కండక్టర్‌…

కండక్టర్‌ ప్రవళిక మృతి పట్ల కార్మిక సంఘాల నాయకులు తీవ్ర దిగ్భ్రాంతి వ్యక్తంచేశారు. తెలంగాణ ఆర్టీసీ మజ్దూర్‌ యూనియన్‌, ఆర్టీసీ జాయింట్‌ యాక్షన్‌ కమిటీ (జేఏసీ)తోపాటు కార్మిక సంఘాల నాయకులు నివాళులర్పించారు. ప్రవళిక కుటుంబానికి ప్రభుత్వం, ఆర్టీసీ సంస్థ సంయుక్తంగా కోటి రూపాయల పరిహారం చెల్లించాలని కోరారు. విధి నిర్వహణలో ప్రాణాలు కోల్పోయిన ప్రవళికకు జోహార్లు అర్పిస్తూ, ఆమె కుటుంబ సభ్యులకు ప్రగాఢ సానుభూతి తెలియజేశారు.