డబ్బులు చెల్లించడం లేదని మొక్కజొన్న రైతుల ఆందోళన

ఆదిలాబాద్ నేర విభాగం: చాందిని కంపెనీ యాజమాన్యం మొక్కజొన్న పంట కొనుగోలు చేసి.. డబ్బులు చెల్లించకుండా కాలయాపన చేస్తూ ఇబ్బందులకు గురి చేస్తోందంటూ ఎస్పీ కార్యాలయం వద్ద రైతులు గురువారం ఆందోళన చేపట్టారు. కంపెనీ యాజమాన్యంపై చర్యలు తీసుకొని తమకు డబ్బులు ఇప్పించి న్యాయం చేయాలంటూ ఎస్పీ అఖిల్ మహాజన్‌ను జైనథ్, బేల, తాంసి, తలమడుగు, ఆదిలాబాద్, భీంపూర్ మండలాల రైతులు వేడుకున్నారు. గత మార్చిలో దాదాపు 300 మంది రైతుల నుంచి మొక్కజొన్న పంట కొనుగోలు చేశారని, రూ.40 కోట్ల వరకు డబ్బులు చెల్లించాల్సి ఉందని పేర్కొన్నారు. ఈ విషయమై జిల్లా కలెక్టర్‌ను సైతం కలవనున్నట్లు తెలిపారు.

జూద స్థావరాలపై పోలీసుల ప్రత్యేక నిఘా