దండారీ ఫెస్టివల్‌‌కు రూ.1.5 కోట్లు..ఆదివాసీల ఉత్సవాలకు ప్రభుత్వ నిధులు

జైనూర్, వెలుగు: ఆదివాసీల సంస్కృతి, సంప్రదాయాలకు ప్రతీకగా నిలిచే దండారీ ఫెస్టివల్‌‌ నిర్వహణ కోసం రూ.1.50 కోట్ల ఆర్థిక సాయం ప్రకటించింది. ఈ మేరకు ఇప్పటికే గిరిజన సంక్షేమ శాఖకు ఆదేశాలు జారీ చేసింది.

దసరా తర్వాత వారం రోజులకు దండారీ సంబురాలు ప్రారంభం కానుండగా, ఉత్సవాలు మొదలయ్యేలోపే అర్హులైన బృందాలకు ఆర్థిక సాయం అందించేలా ఆఫీసర్లు ప్రణాళిక సిద్ధం చేసినట్లు తెలుస్తోంది. ఈ పథకం ద్వారా ఉమ్మడి ఆదిలాబాద్ జిల్లాలోని వెయ్యి దండారీ బృందాలకు లబ్ధి చేకూరనుంది. అర్హులైన బృందాలు ఆర్థిక సాయం పొందేందుకు దరఖాస్తు చేసుకోవాలని ఉట్నూర్ ఐటీడీఏ పీవో సూచించారు. ప్రస్తుతం దరఖాస్తుల స్వీకరణ ప్రక్రియ కొనసాగుతోంది.