దసరా పండుగ.. శమీ పూజ.. జమ్మి చెట్టు.. ఆధ్యాత్మికమే కాదు.. దీర్ఘ వ్యాధులకు మంచి మందు కూడా..!

త్రేతాయుగంలో ఆశ్వయుజ శుద్ధ దశమి నాడు శ్రీరాముడు ఆదిపరాశక్తిని జమ్మి ఆకులతో పూజించిన తర్వాత రావణుడితో తొమ్మిది రోజులు యుద్ధం చేసి దశమినాడు విజయం సాధించాడని దేవీ భాగవతం చెబుతుంది. అదే విధంగా ద్వాపరయుగంలో శమీ పూజ చేసేందుకు భారతకథ కూడా నిదర్శనమని దేవి భాగవతం ద్వారా తెలుస్తుంది.

ద్వాపరయుగంలో పాండవులు జూదంలో ఓటమి చెందిన తరువాత దుర్యోధనుడి ఆదేశాలతో పాండవులు పన్నెండేళ్ల అరణ్యవాసం ముగించుకుని అజ్ఞాతవాసానికి వెళ్లే ముందు తమ ఆయుధాలను జమ్మిచెట్టు పై దాచిపెట్టి విరాటరాజు కొలువుకు వెళ్లారని భాగవతం ద్వారా తెలుస్తుంది. అలా అజ్ఞాతవాసం ఏడాది కాలం పాటు ముగిసిన తర్వాత తిరిగి వచ్చి ఆ ఆయుధాలు ధరించారు పాండవులు.