దసరా పండుగ.. శమీ పూజ.. విజయ సంకల్పం..భక్తితో నిండిన ఆచారాలు

దసరా పండుగ.. బతుకమ్మ పండుగ ఉత్సవాల్లో శమీ పూజ.. జమ్మి చెట్టుకు పూజ చేసే ఆచారం చాలా ప్రాధాన్యం.. శమీ పూజ విజయ సంకల్పాన్ని చాటి చెప్పే ఆచారమని పురాణాల ద్వారా తెలుస్తుంది. శమీ పూజ విశిష్టత.. ఎందుకు చేయాలి.. పూజ చేసేటప్పుడు ఏమి చదవాలి.. మొదలగు విషయాలను ఈస్టోరీలో తెలుసుకుందాం..

శమీ పూజ అంటే జమ్మి ఆకులను పంచుకోవడం మాత్రమే కాదు. విజయం సాధించాలనే సంకల్పం, ధైర్యం, పరస్పర ఆప్యాయత, శుభం పట్ల ఆకాంక్షలను చాటే సంప్రదాయం. పురాణ కథలు, ఆధ్యాత్మిక విశ్వాసాలు, ప్రకృతితో ముడిపడిన జీవన విధానం ఇందులో అంతర్లీనంగా ఉన్నాయి. అందుకే విజయదశమి రోజున జమ్మి చెట్టును పూజించి, ఆకులను బంగారంగా పంచుకుంటూ పెద్దల ఆశీస్సులు తీసుకోవడం తెలంగాణ సంస్కృతిలో ప్రత్యేకమైన స్థానాన్ని సంపాదించుకుంది.