దీపావళి కానుకగా కొత్త పింఛన్లు! రాష్ట్రవ్యాప్తంగా 4.5 లక్షల మందికి చేయూత

హైదరాబాద్, వెలుగు: రాష్ట్రంలోని నిరుపేదలు, అణగారిన వర్గాలకు ప్రభుత్వం దీపావళి కానుక ప్రకటించింది. రాష్ట్రవ్యాప్తంగా వివిధ కేటగిరీల్లో అర్హత కలిగిన 4.5 లక్షల మంది కొత్త లబ్ధిదారులకు చేయూత పింఛన్లను మంజూరు చేసింది. సీఎం రేవంత్‌‌రెడ్డి ఆదివారం తన సొంత నియోజకవర్గం కొడంగల్‌‌లో పింఛన్ల పంపిణీ కార్యక్రమాన్ని లాంఛనంగా ప్రారంభించనున్నారు. మంత్రి సీతక్కతోపాటు ఇతర మంత్రులు ఈ వేడుకలో పాల్గొంటారు. సీఎం చేతుల మీదుగా కొడంగల్‌‌లో ఎంపిక చేసిన లబ్ధిదారులకు మంజూరు పత్రాలు అందజేయనుండగా.. అనంతరం రాష్ట్రవ్యాప్తంగా అన్ని జిల్లాల్లో మంత్రులు, ఎంపీలు, ఎమ్మెల్యేలు, కలెక్టర్ల ఆధ్వర్యంలో పంపిణీ జరగనుంది. కొత్తగా…

గత సర్కారు హయాంలో ఏళ్ల తరబడి కొత్త పింఛన్ల మంజూరు నిలిచిపోవడంతో కాంగ్రెస్ అధికారంలోకి వచ్చాక ప్రజాపాలన, సెర్ప్ ప్రత్యేక డ్రైవ్‌‌ల ద్వారా ప్రభుత్వం దరఖాస్తులను స్వీకరించింది. రాష్ట్రవ్యాప్తంగా మొత్తం 5,98,193 దరఖాస్తులు రాగా.. అర్హుల ఎంపిక కోసం అధికారులు క్షేత్రస్థాయి పరిశీలన, వార్డు, గ్రామ సభలు, ఆధార్‌‌ సీడింగ్‌‌ చేశారు. మొత్తం దరఖాస్తుల్లో సగానికిపైగా (55 శాతానికి పైగా) వితంతువుల నుంచే రావడం గమనార్హం. వితంతువుల నుంచి 3,31,236, దివ్యాంగుల నుంచి 1,48,882, ఒంటరి మహిళల నుంచి 62,689, గీత కార్మికుల నుంచి 37,381, చేనేత కార్మికుల నుంచి 18,005 దరఖాస్తులు అందాయి. వీటిలో నిబంధనల ప్రకారం అర్హత కలిగిన…