దీపావళి వేడుకలు:తండాల్లో వెలుగులు..పశువులకు పూజలు..ప్రకృతికి కృతఙ్ఞతలు..గిరిజనుల ఆచారం ఇదే

తెలంగాణలోని గిరిజన తండాల్లో దీపావళి వేడుకలకు ప్రత్యేకతే వేరు. ప్రకృతితో మమేకమైన జీవనం... పశుసంపదపై అపారమైన ప్రేమాభిమానాలు... తరతరాలుగా వస్తున్న ఆచార సంప్రదాయాలు! వ్యవసాయానికి అండగా నిలిచే పశువులను పూజిస్తూ ప్రకృతికి కృతజ్ఞతలు తెలుపుతూ గిరిజనులు సంప్రదాయ నృత్యాలతో పండుగను జరుపుకుంటారు.

పశువులను పూజించడం వెనుక కేవలం భక్తి మాత్రమే కాదు తమ జీవనాధారంపై కృతజ్ఞత కూడా ఉంది! ప్రకృతిని ఆరాధిస్తూ... సంప్రదాయాలను గుండెల్లో దాచుకుంటూ... గిరిజన తండాలు చాటుతున్న సందేశం ఒక్కటే.. ప్రకృతిని ప్రేమించాలి... జీవనాధారాలను గౌరవించాలి. ఆదిలాబాద్‌, ఖమ్మం ప్రాంతాల్లోని అన్ని గిరిజన తెగలూ దీపావళిని వివిధ రకాలుగా జరుపుకుంటారు. గోవర్ధన పూజ, పశువుల ఆరాధన, తండా ఆచారాలను బట్టి చేస్తారు.