Delhi: ఇండియా కూటమి ర్యాలీ.. రాంలీలా మైదానానికి చేరుకుంటున్న కార్యకర్తలు..

ఇంటర్నెట్ డెస్క్‌: దిల్లీలోని రాంలీలా మైదానంలో నిర్వహించనున్న సభ కోసం ఇండియా కూటమి (INDIA Bloc rally) శ్రేణులు భారీగా తరలివస్తున్నారు. ఇప్పటికే పెద్ద సంఖ్యలో కార్యకర్తలు ఈ మైదానానికి చేరుకున్నారు. దీంతో భద్రతా బలగాలు, పోలీసులు అప్రమత్తమయ్యారు. దేశరాజధానిలో సాయుధ దళాలు (CAPF), సీఆర్‌పీఎఫ్‌, ర్యాపిడ్ యాక్షన్ ఫోర్స్ (RAF) సహా దాదాపు 10వేల మంది సిబ్బంది మోహరించారు. కేవలం ఈ మైదానం చుట్టూనే 4వేల మందికి పైగా సిబ్బందిని ఏర్పాటు చేశారు. కన్నాట్ ప్లేస్, జంతర్ మంతర్, సుప్రీంకోర్టు, ఈసీ కార్యాలయాల వద్ద బహుళ అంచెల బారికేడ్‌లను ఏర్పాటు చేశారు. అనధికార మోహరింపులు, సమావేశాలు జరగకుండా నిరోధించడానికి వందలాది…

వేలాదిమంది కాంగ్రెస్‌ కార్యకర్తలు, ఇండియా కూటమి మద్దతుదారులు ఖర్గే నివాసం వద్దకు చేరుకున్నారు. కాంగ్రెస్‌ అగ్రనేత రాహుల్ గాంధీ (Rahul Gandhi), పార్టీ అధ్యక్షుడు ఖర్గే, బెంగాల్ మాజీ సీఎం మమతా బెనర్జీ, తెలంగాణ ముఖ్యమంత్రి రేవంత్ రెడ్డి, తేజస్వీ యాదవ్ సహా పలువురు ప్రతిపక్ష నేతలు ఈ ర్యాలీని ప్రారంభించనున్నారు. ఈ నేపథ్యంలో దిల్లీలోని పలు ప్రాంతాల్లో ట్రాఫిక్ ఆంక్షలు విధించినట్లు పోలీసులు పేర్కొన్నారు. తదనుగుణంగా తమ ప్రయాణాలను ప్లాన్‌ చేసుకోవాలని ప్రజలకు సూచించారు.