ధాన్యం మాయంలో దోచిందెంత?

సూర్యాపేట, అక్టోబర్‌ 28 (సూర్యాపేట): రైస్‌ మిల్లర్ల మాయాజాలానికి సీఎంఆర్‌ ధాన్యం మాయమైన విషయంలో కొత్త కోణం వెలుగు చూస్తున్నది. మిల్లర్లు దోచింది ఎంత..? అధికారులు దొబ్బింది ఎంత అనేది పరిశీలిస్తే ఆశ్చర్యానికి గురయ్యే విషయాలు వెలుగుచూస్తున్నవి. ఇటీవల సీఎంఆర్‌ ధాన్యంపై విజిలెన్స్‌, టాస్క్‌ఫోర్స్‌తోపాటు స్థానిక అధికారులు నానా హంగామా చేసి జిల్లాలో రూ.77 కోట్ల ధాన్యం మాయమైనట్టు లెక్కలు తీశారు.

వాస్తవానికి ఈ ధాన్యం విలువ రూ.800 కోట్లుకు పైనే ఉంటుందని తెలిసింది. ఓ మిల్లుపై వచ్చిన ఆరోపణలపై కలెక్టర్‌ రీసర్వే చేయించడంతో అక్రమాలు బయటపడి డీటీసీఎస్‌ను సరెండర్‌ చేశారు. రూ. 20 కోట్ల వరకు చేతులు మారినట్టు ఆరోపణలు వినిపిస్తుండగా ఇందులో ఎవరి పాత్ర ఎంత అని అంతర్గత విచారణ చేయిస్తున్నట్టు తెలిసింది. కొద్ది నెలలుగా రాష్ట్ర వ్యాప్తంగా సీఎంఆర్‌ ధాన్యం తీసుకున్న మిల్లులపై విజిలెన్స్‌, టాస్క్‌ఫోర్స్‌తో పాటు స్థానిక అధికారులు దాడులుచేసి, కేసులు నమోదు చేస్తున్నారు. ఆయా టీముల్లో ఉన్న కొంతమంది అధికారులు అక్రమాలకు తెరలేపారు. ఖమ్మం జిల్లాలో అక్రమాలకు పాల్పడిన అధికారులను విధుల నుంచి తొలగించగా.. సూర్యాపేట…