Dia Mirza: మనది లౌకిక దేశం.. నటి వీడియోను అప్‌లోడ్ చేయండి: బాంబే హైకోర్టు

ఇంటర్నెట్ డెస్క్‌: దియా మీర్జా (Dia Mirza) దీపావళి వీడియోపై వివాదం తలెత్తడంతో బృహన్‌ ముంబయి మున్సిపల్‌ కార్పొరేషన్‌ (BMC) సోమవారం ఆ వీడియోను సామాజిక మాధ్యమాల నుంచి తొలగించింది. ఈ వివాదంపై బాంబే హైకోర్టు (Bombay High Court) స్పందిస్తూ.. తీవ్ర విచారం వ్యక్తం చేసింది. ఆ వీడియోను తిరిగి అప్‌లోడ్ చేయాలని బీఎంసీని ఆదేశించింది. ఈ విషయంలో కొందరు వ్యక్తులు.. సంకుచిత మనస్తత్వాన్ని ప్రదర్శించారని ఆవేదన వ్యక్తం చేసింది. పర్యావరణ పరిరక్షణ, వాయు, శబ్ద కాలుష్యాల గురించి అవగాహన కల్పించేందుకు రూపొందించిన వీడియోకు అనవసరమైన రంగులు పులమడం దురదృష్టకరమని జస్టిస్ గిరీష్ కులకర్ణి, జస్టిస్ నీలా గోఖలేలతో కూడిన…

పర్యావరణ హితంగా దీపావళి పండగను చేసుకోవాలని అవగాహన కల్పించేందుకు ప్రముఖులను ఎంచుకోవాలని బీఎంసీ కమిషనర్ తీసుకున్న నిర్ణయం సరైనదేనని కోర్టు (Bombay High Court) పేర్కొంది. దీనిపై కొందరు వ్యక్తులు అనవసరమైన వివాదాలను తెరపైకి తీసుకురావడం బాధాకరమని వెల్లడించింది. వీడియోపై అభ్యంతరం తెలిపిన వారిని ఉద్దేశిస్తూ.. సమాజంలోని ప్రతి వ్యక్తిని వారి మతం, కులం, వర్గంతో సంబంధం లేకుండా గౌరవించాలని స్పష్టం చేసింది. మనది లౌకిక దేశమని.. పౌరులందరూ లౌకిక స్ఫూర్తిని పెంపొందించుకోవాలని రాజ్యాంగం ఆశిస్తుందని పేర్కొంది.