Diwali Special: చీకటి వెలుగుల రంగేలీ..వెండితెరపై వెలుగుల జాతర

దీపావళి అంటే దీపాల వెలుగులు... టపాసుల మోతలు... పిల్లల కేరింతలు! మరి వెండితెరపై దీపావళి అంటే అంతకుమించిన సందడి! ఒకప్పుడు ‘దీపావళి దీపావళి... ఇంటింటా ఆనంద దీపావళి’ అంటూ ప్రేక్షకులను పలు సినిమాలు అలరించాయి. ఆ తర్వాత చీకటి వెలుగుల రంగేళీ... జీవితమే ఒక దీపావళి అంటూ జీవిత సత్యాన్ని బోధించిన పాటలు!

పండుగను కేవలం సంబరంగానే కాదు... ప్రేమకు, అనుబంధాలకు, ఆవేదనకు, ఆనందానికి ప్రతీకగా చూపించిన సినిమాలు ఎన్నో! తరాలు మారినా, సాంకేతికత మారినా ఆ పాటలు, ఆ సన్నివేశాలు మాత్రం ప్రేక్షకుల మనసుల్లో చెరిగిపోని జ్ఞాపకాలుగా మిగిలిపోయాయి. సినిమాల్లో దీపావళి ...చీకటి వెలుగుల రంగేళీ... జీవితమే ఒక దీపావళి అనే పాట అందరికీ గుర్తుండే ఉంటుంది.ఈ పాట వినగానే ప్రతి తెలుగు ప్రేక్షకుడి మనసులో పండుగ జ్ఞాపకాలు మెదులుతాయి.