ద్విచక్ర వాహనాన్ని ఢీకొన్న లారీ.. యువకుడి మృతి

కీసర: ద్విచక్ర వాహనాన్ని లారీ ఢీకొనడంతో ఓ యువకుడు దుర్మరణం చెందాడు. ఈ ఘటన మేడ్చల్ జిల్లా కీసర ఔటర్ రింగ్ రోడ్డు వద్ద చోటుచేసుకుంది. కీసర సీఐ ఎలక్షన్ రెడ్డి వివరాల ప్రకారం.. కాప్రాకు చెందిన ధీరావత్ సూర్య ప్రకాష్ (18) నగరంలోని ఓ కళాశాలలో ఇంటర్ ద్వితీయ సంవత్సరం చదువుతున్నాడు. శుక్రవారం ద్విచక్ర వాహనంపై కీసర వైపునకు బయలుదేరాడు. మార్గంమధ్యలో ఔటర్ రింగ్ రోడ్డు వద్దకు రాగానే బైక్‌ను.. టిప్పర్ లారీ ఢీకొంది. ఈ ప్రమాదంలో తలకు తీవ్ర గాయమై ప్రకాష్‌ అక్కడికక్కడే దుర్మరణం చెందాడు. ఘటనపై కీసర పోలీసులు కేసు నమోదు చేసి దర్యాప్తు చేపట్టారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.