ఏఈఈ ఎగ్జామ్ను వాయిదా వేయలేం..అభ్యర్థుల వినతులను టీజీపీఎస్సీ పరిశీలించాలి: హైకోర్టు

హైదరాబాద్, వెలుగు: అసిస్టెంట్ ఎగ్జిక్యూటివ్ ఇంజినీర్‌‌ (ఏఈఈ –సివిల్‌‌) పరీక్షలను వాయిదా వేయాలన్న అభ్యర్థుల విజ్ఞప్తిని హైకోర్టు తిరస్కరించింది. అయితే, ఇతర పరీక్షలు కూడా ఉండడంతో ఇబ్బందులు ఎదుర్కొంటున్న అభ్యర్థులు అక్టోబరు 30వ తేదీ సాయంత్రంలోగా వెబ్‌‌నెట్‌‌ ద్వారా వినతిపత్రాలు సమర్పించవచ్చని స్పష్టం చేసింది.

వాటిని పరిశీలించాలని టీజీపీఎస్సీని ఆదేశించింది. నవంబరు 6, 7 తేదీల్లో నిర్వహించనున్న ఏఈఈ పరీక్షలను వాయిదా వేయాలని సతీశ్​ అనే అభ్యర్థితో పాటు మరో ఆరుగురు దాఖలు చేసిన పిటిషన్‌‌ ను జస్టిస్‌‌ కె.శరత్‌‌ శుక్రవారం విచారించారు. పిటిషనర్ల తరఫు న్యాయవాది వాదిస్తూ.. ఎస్సెస్సీ జూనియర్‌‌ ఇంజినీర్‌‌ (జేఈ) పరీక్షలు నవంబరు 2 నుంచి 6వ తేదీ వరకు ముంబై, పుణె, థానే, నాందేడ్‌‌ తదితర ప్రాంతాల్లో జరగనున్నాయని తెలిపారు.