ఏకగ్రీవంగా ఎన్నుకుంటే రెండెకరాల పొలం

వివరాలు వెల్లడిస్తున్న శ్రీరామ్మూర్తి దంపతులు

భీమవరం గ్రామీణ, న్యూస్‌టుడే: గ్రామస్థులంతా కలిసి తన భార్య రామలక్ష్మిని సర్పంచిగా ఏకగ్రీవంగా ఎన్నుకుంటే పంచాయతీకి రెండెకరాల పొలం రాసిస్తానని భీమవరం మండలం గొల్లవానితిప్ప గ్రామ ప్రముఖుడు కొప్పర్తి శ్రీరామ్మూర్తి ప్రకటించారు. తన భార్యతో కలిసి ఆయన శుక్రవారం విలేకరుల సమావేశం నిర్వహించి ఈ వివరాలు వెల్లడించారు. గ్రామంలో తాగునీటి చెరువు సమస్య ఉందని.. ఆ కొరత తీర్చేందుకు రెండెకరాల పొలం ఇవ్వాలని నిర్ణయించినట్లు తెలిపారు. ఇప్పటికే గ్రామ పెద్దలు, ప్రజలతో సమావేశం నిర్వహించి ఈ నిర్ణయాన్ని తెలియజేసినట్లు పేర్కొన్నారు.