ఏపీ ఎన్నికలు: దొంగ ఓట్లు వేయటానికి వచ్చిన కాలేజీ పిల్లలను పట్టుకున్న వైసీపీ చెవిరెడ్డి

ఏపీలో ఎంపీటీసీ జడ్పీటీసీ ఎన్నికల వేళ పలు చోట్ల ఉద్రిక్తతలు నెలకొన్నాయి. పోలింగ్ కేంద్రాల దగ్గర టీడీపీ, వైసీపీ నేతల మధ్య ఘర్షణలతో రణరంగంగా మారింది. ఈ క్రమంలో తిరుపతి జిల్లా చంద్రగిరి నియోజకవర్గంలో దొంగ ఓట్ల కలకలం రేగింది. నియోజకవర్గంలోని సాయినగర్ పంచాయితీతో పాటు మంగళం, ఓటేరు ప్రాంతాల్లోని పోలింగ్ కేంద్రాల దగ్గర రిగ్గింగ్ జరుగుతోందని పేర్కొన్నారు వైసీపీ నేతలు. ఈ క్రమంలో వైసీపీ మాజీ ఎమ్మెల్యే చెవిరెడ్డి భాస్కర్ రెడ్డి కొంతమంది దొంగ ఓటర్లను పట్టుకున్నారు.

చంద్రగిరి సాయినగర్ పంచాయితీలోని పోలింగ్ కేంద్రాల దగ్గర భారీ సంఖ్యలో బయటి వ్యక్తులు మోహరించారని అంటున్నారు వైసీపీ నేతలు. దొంగ ఓట్లు వేసేందుకు టీడీపీ నేతలే వారిని రప్పించారని ఆరోపిస్తున్నారు. పోలింగ్ కేంద్రాల దగ్గర అనుమానాస్పదంగా కనిపించినవారిని ప్రశ్నిస్తున్నారు వైసీపీ నేతలు.