ఎఫ్‌డీఐల ప్రవాహం సద్వినియోగమే కీలకం

ఆసియాలోకి విదేశీ ప్రత్యక్ష పెట్టుబడులు (ఎఫ్‌డీఐ) వెల్లువెత్తుతున్నాయి. తయారీ, డిజిటల్‌ వసతులు, సెమీకండక్టర్లు, పునరుత్పాదక ఇంధనం వంటి రంగాల్లోకి ఎఫ్‌డీఐలను ఆకర్షించడంలో ఆసియా ముందుంది. ఐరాస వాణిజ్య, అభివృద్ధి సదస్సు (యూఎన్‌సీటీఏడీ) తాజా ‘ప్రపంచ పెట్టుబడి నివేదిక-2026’ ప్రకారం అభివృద్ధి చెందుతున్న ఆసియా దేశాలు నిరుడు ఏకంగా 40శాతం ఎఫ్‌డీఐలను ఆకర్షించాయి. విదేశీ పెట్టుబడుల జోరు భారత్‌లో తయారీ బలోపేతానికి, ఉపాధి కల్పనకు, ప్రపంచ విలువ గొలుసుల్లో స్థానం మెరుగు పడేందుకు అవకాశం కల్పిస్తోంది.

ప్రపంచ ఎఫ్‌డీఐలు 2025లో ఆరుశాతం పెరిగి 1.6 ట్రిలియన్‌ డాలర్లకు చేరాయి. వరసగా రెండేళ్ల క్షీణతకు ఇది ముగింపు. అయితే ఇది అన్ని ప్రాంతాల్లో సమానంగా లేదు. అభివృద్ధి చెందిన దేశాల్లోకి పెట్టుబడులు 11 శాతం పెరగ్గా, అభివృద్ధి చెందుతున్న దేశాల్లో వృద్ధి కేవలం రెండు శాతమే. ప్రపంచ ఎఫ్‌డీఐల్లో 80శాతానికిపైగా అగ్రశ్రేణి 20 దేశాలకే వెళ్లాయి. అంటే పునరుద్ధరణ విస్తృత ప్రాతిపదికన జరిగినది కాదు. పెరుగుదలలో అధిక భాగం ఏఐ, డిజిటల్‌ మౌలిక సదుపాయాలకు సంబంధించిన కొన్ని భారీ ప్రాజెక్టుల వల్లే వచ్చింది. పెద్ద వినియోగ మార్కెట్లు, తయారీ నెట్‌వర్క్‌లు, కార్మిక శక్తి, మౌలిక సదుపాయాలు, అంతర్జాతీయ ఉత్పత్తి వ్యవస్థలతో…