Free Eye Camp | ఇందుర్తిలో ఉచిత కంటి వైద్య శిబిరం

Free Eye Camp | చిగురుమామిడి, నవంబర్ 5 : చిగురుమామిడి మండలంలోని ఇందుర్తి గ్రామంలో మానేరు లయన్స్ క్లబ్, డాక్టర్ భాస్కర్ మాదేకర్ ఉదార నేత్రవైద్యశాల చారిటబుల్ ట్రస్ట్ రేకుర్తి సంయుక్త ఆధ్వర్యంలో గ్రామపంచాయతీ కార్యాలయం వద్ద గురువారం ఉచిత కంటి వైద్య శిబిరం నిర్వహించారు. ఈ వైద్య శిబిరంలో 124 మంది కంటి పరీక్షల సమస్యలపై వైద్య పరీక్షలు నిర్వహించుకున్నారు. అందులో 30 మంది కంటి సమస్య కలిగిన వారిని గుర్తించి డాక్టర్ మాడేకర్ రాజభాస్కర్ ఉచిత నేత్ర వైద్యశాల రేకుర్తి కంటి ఆసుపత్రికి తరలించారు.

వారికి ఉచితంగా కంటి పరీక్షలు గ్రహించడం జరుగుతుందని వైద్య బృందం తెలిపారు. ఈ కార్యక్రమంలో ఎస్సై జగదీశ్వర్, సర్పంచ్ చింతపూల నరేందర్, మానేరు లయన్స్ క్లబ్ అధ్యక్షుడు లయన్ వారాల జగన్, కార్యదర్శి లయన్ పెద్ది శరత్ కుమార్, కోశాధికారి లయన్ ఆడెపు సంపత్, జిల్లా ప్రతినిధులు లయన్ వేముల విష్ణుమూర్తి, లయన్ గట్టు రాజయ్య గ్రామస్తులు పాల్గొన్నారు. కాగా ఈ ఉచిత వైద్య శిబిరానికి గ్రామానికి చెందిన లయన్ గట్టు రాజయ్య సర్పంచ్ చింతపూల నరేందర్ వైద్య శిబిరానికి పూర్తి సహాయ సహకారాలు అందించినట్లు వైద్య బృందం తెలిపారు.