గజపతి జిల్లాలో జలమయమైన పలు ప్రాంతాలు.. అధికారుల సహాయ చర్యలు

పర్లాఖెముండి: అర్నబ్ తుపాను ప్రభావంతో గజపతి జిల్లాలోని పలు ప్రాంతాల్లో భారీ వర్షాలు కురిశాయి. రాయగడ, ఆర్ ఉదయగిరి, మోహన, గిరి ప్రాంతాల్లో కురిసిన వర్షాలకు నదులు, వాగులు పొంగిపొర్లుతున్నాయి. మహేంద్రతనయ నదిలో ప్రవాహం పెరగడంతో ఆ ప్రాంతంలో ఉన్నటువంటి బట్టి సిరిపురం, బాగుసల, మహాదేవి పురం గ్రామాల్లోకి వరద నీరు చేరింది. గ్రామస్థులను అధికారులు సురక్షిత ప్రాంతాలకు తరలించారు. బాగుసల గ్రామంలో ఎమ్మెల్యే రూపేష్ పాణిగ్రహి, జిల్లా పరిషత్తు అధ్యక్షుడు గవర తిరుపతిరావు, కలెక్టర్ అక్షయ్ సునీల్ అగర్వాల్, సబ్ కలెక్టర్ భగత్ సమల్ కల్యాణ్‌ రావ్ పర్యటించారు. అనంతరం ఎమ్మెల్యే రూపేష్ అధికారులతో ఫోన్ ద్వారా సంప్రదించి…

గుసాని సమితిలోని సోబర, చింతపల్లితో పాటు పరిసర ప్రాంతాల్లోని వ్యవసాయ భూముల్లో ఆరు అడుగుల మేర వరద నీరు చేరింది. ప్రభుత్వం తమను ఆదుకోవాలని రైతులు విన్నవించారు. రాయగడ సమితిలోని పలు ప్రాంతాల్లో రహదారులు ధ్వంసం అయ్యాయి. ముఖ్యంగా కోయిపూర్ -గంగాబడో -బోడోదెవుల గ్రామ ప్రాంతంలోని రెండు చోట్ల కొండ చరియలు విరిగిపడి రాకపోకలు స్తంభించాయి. పర్లాఖెముండి -మోహనా, బ్రహ్మపురం ప్రధాన రహదారి రాయగడ ప్రాంతంలో ఉన్న మహేంద్ర తనయ నది వంతెనపైకి వరద నీరు చేరడంతో ప్రయాణికులు సుమారు 6 గంటలు పాటు తీవ్ర ఇబ్బందులు ఎదుర్కొన్నారు. మోహన సమితి గంజాం, జయపురం, గజపతి జిల్లాల గుండా వెళ్లే రహదారిపై లెడాబోందో వద్ద వంతెనపై వరద నీరు…