గవర్నమెంట్ టీచర్స్.. ఇద్దరికీ రెండో పెళ్లి.. దీపావళికి ఇంటికి వెళ్లి.. ఇంతలోనే విషాదం !

నాగ్పూర్లోని బేసా ప్రాంతంలో ఇంట్లో జంట మృతదేహాలు కనిపించిన ఘటన ఆదివారం వెలుగుచూసింది. గడ్చిరోలి జిల్లాలో పని చేస్తున్న ఇద్దరు ఉపాధ్యాయులు దీపావళి పండుగకు నాగ్ పూర్ వెళ్లారు. ఆ తర్వాత నుంచి ఇద్దరి కాల్స్ కలవడం లేదు. కుటుంబ సభ్యులు వెళ్లి చూసేసరికి ఇంటికి బయటి నుంచి తాళం వేసి ఉంది. మృతులను మనీష్ ప్రల్హాద్ గన్వీర్ (38), అతని భార్య సోనాలి గన్వీర్ (35)గా పోలీసులు గుర్తించారు. ఇద్దరూ గడ్చిరోలి జిల్లాలోని సుర్జాగడ్‌లోని ఒక పాఠశాలలో ఉపాధ్యాయులుగా పని చేస్తున్నారు. ఈ ఏడాది ఆగస్టులో వారు వివాహం చేసుకున్నారు. ఇద్దరికీ ఇది రెండో వివాహమని.. ఇద్దరూ కొన్ని నెలల క్రితమే కొత్త జీవితం ప్రారంభించారని…

ఈ దంపతులు దీపావళి సందర్భంగా బేసా ప్రాంతంలోని రేవతి నగర్‌లోని తమ ఇంటికి వెళ్లారు. ఆదివారానికి ముందు రోజే మనీష్ కుటుంబ సభ్యులు బిహార్ వెళ్లిపోవడంతో దంపతులు ఒంటరిగా ఉన్నారు. శుక్రవారం సాయంత్రం 3:30 గంటల సమయంలో ఆ జంట మధ్య గొడవ జరిగినట్లు పొరుగువారు వినారని బెల్తరోడి పోలీసులు చెప్పారు. ఆ తర్వాత నుంచి ఇంటిలో నిశ్శబ్దం అలుముకుంది. గొడవకు, వారి మృతికి సంబంధం ఉందా అనే విషయాన్ని పోలీసులు నిర్ధారించలేదు.