గ్రామం ఒకటే.. జిల్లాలు రెండు

ఎడమ వైపు భవనాలు నాగభైరువారిపాలెంలో.. కుడి వైపు భవనాలు గొట్టిపాడు పంచాయతీలో

న్యూస్‌టుడే, పెదనందిపాడు: పెదనందిపాడు మండలంలోని నాగభైరువారిపాలెం గ్రామానికో ప్రత్యేకత ఉంది. అదేమిటంటే రెండు జిల్లాల పరిధిలో, రెండు నియోజకవర్గాల పరిధిలో ఉండడం. కొంతభాగం చిలకలూరిపేట మండలం గొట్టిపాడు పంచాయతీ పరిధిలో, మరికొంత గుంటూరు జిల్లాలో పెదనందిపాడు మండల పరిధిలో ఉంది. పెదనందిపాడు పరిధిలో ఉన్న గ్రామ జనాభా 957 మంది. ఓటర్లు 782 మంది. ఇక్కడి సర్పంచి పదవి జనరల్‌ మహిళకు రిజర్వు అయింది. ఇది ప్రత్తిపాడు నియోజకవర్గంలోకొస్తుంది. గొట్టిపాడు పంచాయతీ పరిధిలో ఉన్న భాగంలో 350 మంది జనాభా ఉండగా.. 250 మంది ఓటర్లు ఉన్నారు. ఇక్కడ సర్పంచి పదవిని ఎస్టీ జనరల్‌కు కేటాయించారు. ఇది చిలకలూరిపేట నియోజకవర్గంలో ఉంది.…