గుంటూరులో తీవ్ర కలకలం రేపుతున్న ‘షకీలియత్’ గుంఫు.. విద్యార్థుల విశ్వాసానికే ప్రమాదం!

గుంటూరు:నగరంలోని పాఠశాలలు, కళాశాలల విద్యార్థులను లక్ష్యంగా చేసుకుని కొందరు వ్యక్తులు ప్రార్థనా మందిరాలు (మసీదులు), టీ కొట్లు, ప్రైవేటు విద్యాసంస్థల సమీపంలో అనుమానాస్పద కార్యకలాపాలు సాగిస్తున్నట్లు మజ్లిస్ ఉలేమా తీవ్ర ఆందోళన వ్యక్తం చేసింది. ముస్లిం యువత, విద్యార్థుల విశ్వాసాన్ని (ఈమాన్) తప్పుదోవ పట్టించేలా ప్రచారం చేస్తున్న ‘షకీల్ బిన్ హనీఫ్’ అనుచరుల వ్యాఖ్యల పట్ల ప్రతి ఒక్కరూ అత్యంత అప్రమత్తంగా ఉండాలని ఉలేమా పండితులు విజ్ఞప్తి చేశారు.

సామాజిక మాధ్యమాలు, వ్యక్తిగత వేదికల ద్వారా మాయమాటలు తనను తాను మహదీ, ఈసా (యేసు) అని చెప్పుకుంటూ ప్రచారం చేసుకుంటున్న షకీల్ బిన్ హనీఫ్‌ను కొందరు ప్రవక్తగా, ఆధ్యాత్మిక మార్గదర్శిగా భావిస్తూ ప్రచారం చేస్తున్నారు. గుంటూరు, నెల్లూరు సహా పలు జిల్లాల్లో ప్రాథమిక ఇస్లాం జ్ఞానం లేని అమాయక విద్యార్థులను ఎంచుకుని, ఖురాన్ మరియు హదీసులకు తప్పుడు వ్యాఖ్యానాలు చెప్తూ ఇస్లామిక్ సిద్ధాంతాలకు విరుద్ధంగా నడుచుకునేలా పురికొల్పుతున్నారు.