హైస్పీడ్ రైళ్ల అలైన్‌మెంట్ఆమోదిస్తే భూసేకరణ మొదలుపెడ్తం: కేంద్రానికి CM రేవంత్ విజ్ఞప్తి

న్యూఢిల్లీ: తెలంగాణకు ప్రక‌టించిన‌ హైస్పీడ్ రైళ్ల ప‌నులు వేగ‌వంతం చేయాల‌ని ముఖ్యమంత్రి రేవంత్ రెడ్డి కేంద్ర రైల్వే శాఖ మంత్రి అశ్వినీ వైష్ణణ్‎కు విజ్ఞప్తి చేశారు. హైదరాబాద్, -పుణె, హైదరాబాద్ -బెంగళూరు, హైదరాబాద్ -చెన్నై కారిడార్లకు సంబంధించి, కేంద్ర ప్రభుత్వం పంపిన ప్రతిపాద‌న‌ల‌పై రాష్ట్ర ప్రభుత్వం స‌మీక్షించి, కొన్ని మార్పుల‌ను సూచిస్తూ కేంద్ర ప్రభుత్వానికి ప్రతిపాద‌న‌లు పంపింద‌ని తెలిపారు.

ఈ మూడు కారిడార్లకు సంబంధించి రాష్ట్ర ప్రభుత్వం ఎటువంటి భూ సేక‌ర‌ణ ప్రక్రియ‌ను ప్రారంభించ‌లేద‌ని కేంద్ర మంత్రికి వివరించారు. కేంద్ర ప్రభుత్వం అలైన్‌మెంట్ ఆమోదించిన త‌ర్వాత భూ సేక‌ర‌ణ‌ను ప్రారంభిస్తామ‌ని స్పష్టం చేశారు. సాధ్యమైనంత త్వర‌గా అలైన్‌మెంట్ ప్రక్రియ‌ను పూర్తి చేయాల‌ని విజ్ఞప్తి చేశారు.