హక్కుల సంరక్షణే ప్రగతికి మార్గం

ఒక దేశ ఆర్థిక వ్యవస్థ వినియోగదారులపైనే ఆధారపడి ఉంటుంది. వారు లేనిదే ఉత్పత్తి, వ్యాపారాలు, ఉద్యోగాలు, ప్రభుత్వాలకు ఆదాయం లాంటివేవీ ఉండవు. దేశ ప్రగతి ప్రమాదంలో పడకూడదంటే- వినియోగదారుల హక్కులకు రక్షణ కల్పించడం అత్యావశ్యకం.

గతంలో వినియోగదారుల జీవనశైలి ప్రధానంగా స్థానిక అవసరాలు, అక్కడి వ్యాపార సంబంధాలు, ప్రత్యక్ష కొనుగోళ్లపై ఆధారపడి ఉండేది. ఉదాహరణకు రైతు పండించిన పంటను దగ్గరిలోని సంతలో విక్రయించేవాడు. పారిశ్రామిక విప్లవం, పట్టణీకరణ, అంతర్జాతీయ వాణిజ్యం, ప్రకటనల విస్తరణతో మార్కెట్‌ స్వరూప స్వభావాలు మారిపోయాయి. ఆన్‌లైన్‌లో విక్రయాలు కొన్నేళ్లుగా విరివిగా పెరిగాయి. వినియోగదారు అవసరాలే మార్కెట్‌ విస్తరణకు పునాది. కాబట్టి వినియోగదారును కేవలం వస్తువులు కొనుగోలు చేసే వ్యక్తిగా మాత్రమే చూడకూడదు. అభివృద్ధి ప్రక్రియలో అత్యున్నతస్థానంలో ఉన్న హక్కులు కలిగిన పౌరులుగా వినియోగదారులను గుర్తించాలి. అందువల్ల వారి ప్రయోజనాలను…