HD Kumaraswamy: రాజకీయంగా అంతం చేసేందుకు కుట్రలు- డీకేపై కేంద్రమంత్రి ఆరోపణ

ఇంటర్నెట్‌ డెస్క్‌: కర్ణాటక ముఖ్యమంత్రి డీకే శివకుమార్‌పై (Dk Shivakumar) కేంద్ర మంత్రి కుమారస్వామి తీవ్ర ఆరోపణలు చేశారు. తమ (దేవేగౌడ) కుటుంబాన్ని రాజకీయంగా అంతం చేసేందుకు రూ.600 కోట్ల ఒప్పందం చేసుకున్నారని అన్నారు. ‘స్టింగ్‌ ఆపరేషన్‌’ వ్యవహారానికి సంబంధించి కొందరు జేడీఎస్‌ నేతలను పోలీసులు అదుపులోకి తీసుకొని విచారిస్తున్న నేపథ్యంలో కేంద్రమంత్రి నుంచి ఈ వ్యాఖ్యలు వచ్చాయి.

‘‘మా కుటుంబాన్ని రాజకీయంగా అంతం చేయాలని ప్రస్తుత ముఖ్యమంత్రి ప్రయత్నాలు చేస్తున్నారు. ఇందుకోసం ఆయన ఎన్నో కుట్రలు చేశారు. వాటిలో రూ.600 కోట్ల సుపారీ కుదుర్చుకోవడం ఒకటి. ఇందులో ఏమాత్రం సందేహం లేదు’’ అని కుమారస్వామి ఆరోపించారు. దేవేగౌడ కుటుంబం అడ్డు తొలగించేందుకు ప్రయత్నాలు జరుగుతున్నాయని వస్తున్న వార్తలపై విలేకరులు అడిగిన ప్రశ్నలకు కేంద్రమంత్రి ఈ విధంగా స్పందించారు. సూత్రధారులను వదిలిపెట్టి విచారణ పేరుతో అమాయక జేడీఎస్‌ కార్యకర్తలను లక్ష్యంగా చేసుకుని ప్రభుత్వం వేధిస్తోందని అన్నారు.