Heavy rains | తుపాను ఎఫెక్ట్.. ఆంధ్రా-ఒడిశా సరిహద్దులో నిలిచిన రాకపోకలు

Heavy rains | తుపాను ప్ర‌భావంతో ఆంధ్ర‌ప్ర‌దేశ్, ఒడిషాలో(Andhra-Odisha border) వ‌ర్షాలు దంచికొడు తున్నాయి. ఒడిశాలో కురుస్తున్న‌ భారీ వర్షాలతో ఏపీలోని(Andhrapradesh) మహేంద్ర తనయ నదికి భారీగా వరద వ‌చ్చి చేరుతున్న‌ది. వ‌ర‌ద ప్ర‌వాహంతో ఆంధ్రా-ఒడిశా సరిహద్దులో రాకపోకలు నిలిచిపోయాయి. ఈ నేప‌థ్యంలో పాతపట్నం-పర్లాకిమిడి NH-326A రహదారిని అధికారులు మూసివేశారు. ప్ర‌జ‌లు అప్ర‌మ‌త్తంగా ఉండాల‌ని సూచించారు. మ‌రోవైపు బాహుదానది ఉగ్రరూపం దాల్చడంతో ఇచ్ఛాపురం మండలంలోని నదీ పరివాహక ప్రాంత గ్రామాల ప్రజలు ఆందోళనకు గురవుతున్నారు.

ఓ వైపు అర్ధరాత్రి తుఫాన్‌ ప్రభావం.. మరోవైపు ఒడిశా ప్రభుత్వం భగలట్టీ డ్యామ్‌ గేట్లు ఎత్తివేయడంతో నదిలో వరద ఉద్ధృతి పెరిగి జనజీవనం అస్తవ్యస్తంగా మారింది. ఎప్పుడు ఏం జ‌రుగుతుందోమోన‌ని భ‌యాందోళ‌ న‌ల‌కు గుర‌వుతున్నారు. అలాగే పంట పొలాలు నీట మునగడంతో రైతులు తీవ్ర ఆందోళన చెందుతున్నారు. కాగా, 16వ నంబర్‌ జాతీయ రహదారి పూర్తిగా జలమయం కావడంతో కోల్‌కతా నుంచి చెన్నై రాకపోకలు సాగించే లారీలు, బస్సులు ఎక్కడికక్కడే నిలిచిపోయాయి.