ఇక ఈ పదవిలో కొనసాగలేను..! రైలు ప్రమాదం తర్వాత స్పెయిన్ రవాణాశాఖ మంత్రి రాజీనామా..!

స్పెయిన్ లోని మాడ్రిడ్, టోలెడో సమీపంలో ఘోర రైలు ప్రమాదం జరిగిన సంగతి తెలిసిందే. 69 మంది మృతి చెందిన ఈ ప్రమాదానికి బాధ్యత వహిస్తూ స్పెయిన్ రవాణాశాఖ మంత్రి ఆస్కార్ పుయెంటె రాజీనామా చేస్తున్నట్లు సంచలన ప్రకటన చేశారు. మంగళవారం ( నవంబర్ 3 ) ఈ ప్రమాదాన్ని ఉద్దేశించి పార్లమెంట్ లో ప్రసంగిస్తూ కీలక వ్యాఖ్యలు చేశారు పుయెంటె. స్పెయిన్ లాంటి దేశంలో ఏడాది లోపే ఇంతటి తీవ్రతతో రెండు ప్రమాదాలు జరిగిన తర్వాత రవాణా మంత్రి పదవిలో కొనసాగలేనని అన్నారు పుయెంటె.

ఈ ప్రమాదం జరిగిన ఆరు రోజుల తర్వాత తన పదవికి రాజీనామా చేస్తున్నట్లు ప్రకటించారు పుయెంటె. ఈ ఏడాది దేశంలో జరిగిన రెండవ ప్రధాన రైలు ప్రమాదానికి పుయెంటె బాధ్యత వహించారు. ఈ ప్రమాదం జరిగిన వెంటనే తాను పదవి నుంచి వైదొలగాలని నిర్ణయించుకున్నానని, అయితే ఆ నిర్ణయాన్ని గోప్యంగా ఉంచానని పుయెంటె చెప్పారు. ఈ దుర్ఘటన అనంతరం ఆయన రాజీనామా చేయాలని ప్రతిపక్షాలు, రైల్వే కార్మిక సంఘాల నుంచి ఒత్తిడి పెరగడంతో రాజీనామా చేశారు పుయెంటె.