ఇంద్రవెల్లిలో కొమురం భీమ్‌ కాంస్య విగ్రహావిష్కరణ.. భారీగా తరలివచ్చిన ఆదివాసీలు

ఇంద్రవెల్లి: ఆదివాసీ హక్కుల కోసం పోరాడి ప్రాణాలర్పించిన వీరుడు కొమురం భీమ్‌ కాంస్య విగ్రహాన్ని ఆదిలాబాద్‌ జిల్లా ఇంద్రవెల్లిలో ఘనంగా ఆవిష్కరించారు. ఎంపీ నగేశ్‌, ఎమ్మెల్యే బొజ్జు పటేల్‌, జిల్లా ఎస్పీ అఖిల్‌ మహాజన్‌ పలువురు ఈ కార్యక్రమంలో పాల్గొని విగ్రహాన్ని ఆవిష్కరించారు.

కొమురం భీమ్‌ విగ్రహావిష్కరణ కార్యక్రమానికి ఉమ్మడి ఆదిలాబాద్‌ జిల్లా నలుమూలల నుంచి ఆదివాసీలు భారీగా తరలివచ్చారు. సంప్రదాయాలు, నినాదాల మధ్య తమ పోరాట యోధుడికి నివాళులర్పించారు. అనంతరం ఇంద్రవెల్లి మార్కెట్‌ యార్డులో నిర్వహిస్తున్న బహిరంగ సభలో ఆదివాసీలు పాల్గొన్నారు.