ఇన్నేళ్లూ నా కథను ఇతరులే చెప్పారు.. ఇప్పుడు నిజాలు చెప్పే వంతు నాది: సోనియా - Visalaandhra

తన భర్త రాజీవ్‌ గాంధీ ప్రధానమంత్రి కావడాన్ని తాను తీవ్రంగా వ్యతిరేకించానని కాంగ్రెస్‌ అగ్రనాయకురాలు సోనియా గాంధీ వెల్లడించారు.తన ఆత్మకథ ‘బిలాంగింగ్‌: ఎ జర్నీ ఆఫ్‌ లవ్‌’ కు సంబంధించి ఆమె సోషల్‌ మీడియాలో మరో వీడియోను విడుదల చేశారు. దశాబ్దాలుగా తన గురించి ఇతరులే ఎన్నో విషయాలు చెబుతూ వచ్చారని, ఇప్పుడు తన వైపు నుంచి వాస్తవాలను వివరించే సమయం వచ్చిందని సోనియా పేర్కొన్నారు.తన ఆత్మకథ విడుదలైన తర్వాత కొన్ని నాటకీయ పరిణామాలు చోటుచేసుకునే అవకాశం ఉందని ఆమె అభిప్రాయపడ్డారు.

కొన్ని విషయాలను అతిశయోక్తిగా ప్రచారం చేశారు: సోనియాతన గురించి ఇప్పటివరకు అనేక వార్తలు ప్రచారంలోకి వచ్చాయని సోనియా గాంధీ తెలిపారు. వాటిలో చాలా వరకు వాస్తవాలు లేనివేనని, కొన్ని పూర్తిగా కల్పితమైనవని చెప్పారు. మరికొన్ని విషయాలను అతిశయోక్తిగా ప్రచారం చేశారని పేర్కొన్నారు. ఈ కారణంగానే తన జీవితంలో జరిగిన విషయాలను స్వయంగా వెల్లడించాలని నిర్ణయించుకున్నట్లు వివరించారు. ”ఇది నా కథ. నా గురించి ప్రజలకు ఇప్పటికే ఎన్నో అభిప్రాయాలు ఉన్నాయి. ఈ పుస్తకం చదివిన తర్వాత కొందరు తమ అభిప్రాయాలను మార్చుకోవచ్చు. మరికొందరు మాత్రం నాపై మరింత ప్రతికూల అభిప్రాయానికి రావచ్చు. ప్రజా జీవితంలో ఉన్నవారికి ఇలాంటివి సహజమే. ఒక…